|
اعتقاد أسلامده الله، قوللرينه قريب
در. دعا واستغفارلرينى طوغريدن طوغرىيه قبول ايدر.
״
واذا سـئلك عبادى
عنى فانى قريب. اجيب دعوةالداع اذا دعانى. فليستجيبوا لى
وليؤمنوا بي لعلهم يرشدون"
سورهء بقره-
۱۸٦"
قوللرم، سكا شان إلهيم دن صورارلرسه بيلديركه، بن محقق قريبم. بكا
دعا ايتديكى وقت دعا ايده نك دعاسنى قبول ايدرم. بن دن دعالرينك
مستجاب اولماسنى ايسته سين لر. وبكا ايمان ايتسين لركه مقصوده نائل
اولسونلر" "
واستغفروه ثم توبوااليه ان ربى قريب مجيب"
سورهء هود٦۱
" الله دن مغفرت ايسته يك و اوكا توبه ايدك. محقق ربم قوللرينه
قريب در و دعالرى قبول ايديجى در."
" ولقد خلقناالا نسان ونعـلم ما توسوس به نفسه ونحن أقرب إليه من
حبل الوريد"
سورء ق-۱٦ "إنسانى بز خلق ايتدك واونك قلبنه
خطور ايدن وسوسه يى بيليرز وبز اوكا
شاهطامارندن دها قريـبز."
بتون قوللرينه
قريب اولان جناب حق، امت ناجيهء اسلاميه ايچون دها پق يقين در.
زيرا بركره دائما بلا واسطه قلبمزده در. صكره كندى حبيبى اولان
محمدالمصطفى افـندمز حرمتـنه حقمزده كى رحمت وعنايتى دها زياده در.
حبيب كبريا اولان حضرت محمد افـندمزك دين اكملنه منسوبيتمز البته
عند الهى ده پك زياده مظهر حسن قبول ونائل قدسيت وكرامت اولمامزه
سببدر. اك
نورانى يولدن كيده ن البته اك زياده
فلاح بولور.
حضرت پـيغمبر
افـندمز، بزه حيات بشرك قاراكلق واعوجاجلى سفرنده نوّار بر رهبر
اولمق ايچون طرف الهى دن مرسل بر انسان كاملدر. دائما نور
نبوتلرينى، اوامر جليله لرينى، واخلاق سنيه لرينى كوز اوكنده
طوتمقله قاراكلقلره، كِردابلره دوشمكدن، تهلكلى، خسرانلى يوللره
صاپماق دن خلاص وامين اوله رق مطلوب، فلاح وسعادتلره ايريشيرز.
بناءً عليه ذات رسالتبناهيلرى هروقت خاطرمزده موجود ومقصود اصلى
اولان قرب معبوده وصول ايچون صميم قلبمزده دائما قراركير بر حبيب
هدايتـنموددر. كنديسى حرمتـنه بو قدر بويوك فوزوفلاحه نائل
اولديغمز ذات رسالتلرينك قلب مؤمن ده پك بيوك محبت وتعظيم يرى
اولماسى پك طبيعى در. وبومحبت سببيله دركه، اونك يولنه هيچ برشى
اسيركه ميز. بتون موجوديتمزى فدا ايده رز. يالكز الله تعالى جل
شانه يه تـشريك ايتمه يز. اونك رسولى وحبيبى فقد عينى زمان ده قولى
ومخلوقى اولديغـنى بيله رك تعظيم ومحبت ايده رز. او بزم
مقـتدامزدر، شفيعمزدر. فقد نه
الله در، نه ده الله ايله قول اراسنده متوسط در. اللهه تـقربمز
ايچون وسيله مزده انجق رضاى الهى يه
موافق
اعمالدر.
" ياايهاالذين امنوا اتقوالله وابتغوا اليه الوسيلة"
سورهء مائده ـ۳٥"
ياايمان ايدن كمسه لر اللهك رضاسنه مخالف حركت لردن صاقينك وقرب
الهى يه نائل اولمق ايچون وسيله آرايك" آيت جليله سنده كى وسيله دن
مقصدك طاعةالله اولديغى محقق در. نته كيم
" قل ادعواالذين زعمتم من دونه فلا يملكون كشف الضر عـنكم ولا
تحويلا. أولئك الذين يدعون يـبتغون الى ربهم الوسيلة ايهم اقرب
ويرجون رحمته ويخافون عذابه إن عذاب ربك كان محذوراً"
سورهء اسراء ٥٦ ـ٥٧
" الله دن باشقا الله اولديغـنى زعم ايدنلره سويله: سزالله دن غير
الله اولدقلرينى ظن ايتدكلريكزه امدادلريكزه چاغيركز. اونلر سزدن
مضرتى دفع ويا تحويله مقـتدر اولامازلر. اونلر كـنديلرىده رب
تعالىلرينه وسيله آرارلر. قريب اولانلرىده دها زياده نائل قرب
اولمق ايچون سعى واللهك مرحمتـنى رجا وعذابندن خوف ايدرلر. شبهه سز
ربكك عذابى صقينيلاجق شىدر." آيت جليله لرنده كى وسيله ارايانلر
باشليجه عيسى وعزير عليهماالسلام در. طبيعى بونلر پيغمبراولدقلرى
جهتله اللهه وسيله آراماق ايچون باشقه انسانه، شيخه، شفيعه محتاج
دكللردر. اوحالده اكلاشيليوركه بووسيله نك معناسى اوامر الهيه يه
تماما اطاعت در. نته كيم ابولحسن شاذلى حضرتلرى (حزب التوسل) لرنده
" اللهم انى اتوسل بك اليك" يا رب بن سكا سنكله (امرلريكه اطاعتله)
توسل ايده رم" دييه باشلار. و(حزب الطمس)ك نهايـتـنده " اللهم صل
على نبـيك الجامع الدال عليك محمدالمصطفى خيرالبرية" يارب انسانلرى
سنك طريق هدايتكه جمع ودلالت ايدن محمد المصطفى حضرتلرينه اولان
تعظيماتمى قبول بيور" دير وبوصورتله واصل الىالله اولمق ايچون
ارايه بشقه برمخلوق صوقمامق لازمكلديكنى وپـيغمبر افندمزك
وظيفهء دلالتلرينى بيلديرر.
كبارعارفين،
بووسيله وواسطه كلمه لرينى پك يرلرنده، قوللانيرلر. مثلا سيخ
درقاوى حضرتلرى واصل الى الله اولماسنه دلالت ايتديكى مريدانندان
شيخ محمد حسن المدنى حضرتلرينه اجازت ويردكلرى وقت" كيت بن سنى
جناب حق ايله كندى ارام ده وسيله وبنم ايله رسول الله افـندمز
اراسنده
واسطه اتخاذ ايتدم" بيورمشلردر.
كوروليوركه
مرشد مريده بن سنكله الله آراسنده وسيله يم ديميور. مريدى وسيله
ادخاذ ايديور. پك طوغرىدر. چنكه اومريدى يتيشديرمسى صالحات
اعمالدندر. اللهه تـقرب ايچون وسيله در. مريدك شيخى ايله پـيغمبر
افندمز اراسنده واسطه اولماسىده ينه بونوعدن در. مع مافيه اللهك
رضاسنه موافق اعمالى اوكرتمسى، ارشاد واصلاحه سبب اولماسى معناسنه
آلنمق يعنى الله ايله قول اراسنه متوسط صوقمق معناسى قطعيا مقصود
اولمامق شرطيله هرهانكى بر شيخ ويا مرشد ويا امرخيره دلالت ايدن بر
كمسه
ايچون اللهه تـقربه وسيله در دينه
بيلير. انجق ديديكمز كبى اصلا ياكلش آكلاشلمامق شرطدر.
" ياايهاالذين آمنوا اتقوالله وكونوا مع الصادقين"
سورء توبه ۱۱٩
" ياايمان ايله مشرف اولانلر اللهه
اتـقا ايديكز وصادقلرله برابر اولوكز." آيت جليله سنك معناسى كچمش
ويا برحيات
صالحلرك خط
حركـتلرينىكوز اوكنده طوته رق اونلرله همحال اولوك، اونلر كبى
چاليشك ديمك در:
" فتشبهوا ان لم
تكونوأمـثـلهم ان التـشبه للكرام فلاح"
"اييلره بكزه مكه چاليشيكز. اونلر
كبى اولامزسه كزبيله اييلره بكزه مك ايچون چاليشمق انسانى فنالقردن
خلاص وخيرلى مرادلره
نائل ايدر."
والحاصل انسانك
كوكلى ايله الله اراسنه حائل صوقمامق قطعياًلازمدر. واخيار وابرار
حرمتنه نائل لطف اولمق ايچون دعا ايتمك
واردر. فقط بالقطع الله دن
دعادر.
قيناق: حقيقت إسلام، دقتور ميلاسلى إسماعيل حقى |
