Ana Sayfa

Hikmetli Sözler

Her kim kabul edip alırsa Demakrasi adındaki ilmi yunanı, bilsin ki inkâr etmiştir nuru Kur'anı!.. (Mustafa Çelik)

"Kerametlerin en büyüğü kötü ahlâkını değiştirmendir." {Sehl b.Abdullah R.a.}

"Din ile Devlet ikizdir. Bunlardan birisinin kalkması; diğerinin de kalkması demektir. Kökü olmayan yıkılmaya mahküm olduğu gibi bekçisi olmayan temel de yıkılır, yok olur." {İsmail Hakkı Bursevî Rh.a.}

"Bugün İslam adına ortaya çıkmış olan hareketlerle, saadet asrında oluşan hizbullah arasında büyük tezatlar vardır. Bunun sebebi şudur: Bugün İslam coğrafyasında ortaya çıkmış olan birçok İslamî grubun zaafiyet ve sapıklığı devletleşme devrelerinin bulunmamasından ileri gelmektedir. Bazıları tevhidden bahsediyorlar, ama devlet ve hilâfet noktasında susmayı tercih ediyorlar, öte yandan içerisinde yaşadıkları müşriki devletin yıkılmasından, tağutlaşan idarecilerin, kralların ümmetin idaresinden uzaklaştırılmalarından hiç bahsetmiyorlar. Dolayısıyla çalışma programlarına devletleşme devresini alamayan bu grublar, Tağutların ve Kralların hakimiyeti altında cahiliyye devletine katkıda bulunmaya, cahiliyye devletinin istek ve arzularına ortak olmaya çalışan ruhsuz ve huysuz bir neslin ortaya çıkmasına vesile olmuşlardır. Bu münasebetle diyoruz ki; devletleşme devresi olmayan hareketler, Tağuti düzen için güvenlik sibobu olmaktan öteye geçemezler. {Mustafa Çelik}

Ey gâfil insan!

Eey bu harâb olacak evi tâmir eyliyen!
Fazla emek verme ki, bir gün çıkar elinden.
Bu dünyâ bir “Köprü”dür, sen geçip gitmeye bak.
Kimseye kalmamış ki, sana kalsın bu konak.
Harâb olacak şeye, bu îtinâ, bu meyil,
Akıllı olanların yapacağı iş değil.
Ey aklını fikrini, dünyâya veren kişi!
Vaz geç ki, Hak teâlâ beğenmiyor bu işi.
Zîrâ yaratıldı ki bu insanlar ve cinler,
Yalnız Hak teâlâya ibâdet eylesinler.
Ey gönlünü dünyâya kaptıran gâfil insan!
Yaldızlı süslerine aldanma sakın amân!
Dışı “Güzel” görünür, lâkin aldatıcıdır.
Üzeri şeker kaplı, içi gâyet acıdır.
O öyle bataktır ki, yutar çok insanları.
Ona aldananların hüsrân olur sonları.
İnsanların kalbini bakın ki kazanmaya,
Zîrâ bu sebep olur “Hak rızâsı” almaya.
Her insana edin ki çok iyilik ve ihsân,
Zîrâ lutf-ü ihsânın kulcağızıdır insan.
Sana zarar, sıkıntı gelirse bir kimseden,
Ona gücün yetse de, affedici ol hemen.
Ey insan! Her işinde unutma hiç Rabbini.
Çıkarma hâtırından, O’nun emirlerini.
Bahşetmiş sana Allah ne mükemmel âzâlar.
O’nun emrine göre kullan ki, yanmıyalar.
Allah’tan başkasından etme ki bir şey talep,
Onlar da, senin gibi âciz birer “Kul”dur hep.
Allah’ın kullarına ver ki neş’e ve sevinç,
Âhirette sıkıntı görmiyesin sen de hiç.
Gizle, ifşâ etme ki herkesin günâhını,
Gizlesin Allah dahî yârın senin aybını.
Sen, darda kalanlara yardım et ki bu günde,
Allah da yardım etsin sana mahşer gününde.

“Ni’metullah Geylânî”

بسم الله الرحمن الرحيم

حضرت ادم

عـليه السلام

كائناتى يوقدن وار ايدن حضرت الله "جل شانه" ير يوزنده بر خليفه اقامه ايتمك ديله دى وحضرت آدم خلق ايلدى. اولا قورو بالچيقدن ياراتمش اولديغى جسد آدم على روايةٍ قرق كون صكره روح ويردى. بعده آدمه سجده ايديكز ديه ملكلره امر ويردى. ملكلر عموماً سجده يه وارديلر يالكز شيطان مخالفت ايتدى، سجده ايتمدى، سجده يى كبرينه يديره مدى. بونك ايچون دركاه الهيدن قوغولدى، لعنت ابديه جزاسنه چارپديرلدى. بو سببدن آدمه خصومت باغلادى، دشمن اولدى.

بوندن صكره حق تعلى حضرتلرى آدمه اش اولمق اوزره "حوايى" (۱) يارتدى. بعده هر ايكيسنى ده جنته ادخال بيوردى. جنتك هر نوع نعمتلرندن استفاده ايتملرينه مساعده بيورديغى حالده يالكز معين براغاجه ياناشملرينى منع ايلدى. شيطان دشمنلكى حسبيله بر تقريب جنته صوقولدى. بونلرك ياننه واردى. وسوسه لر القا ايدرك بونلرى شاشيرتدى. اكر بو اغاجدن يرسه كز سزك ايچون اصلا اولوم اولماز ديه رك اولا حوايى، حوا واسطه سيله ده آدمى آلداتدى نهايت هر ايكيسنه ده او اغاجدن ميوه يديرتدى. بونك اوزرينه حق تعلى حضرتلرى بونلرى جنتدن اخراج ايله يريوزينه اينديردى. (۲) آيرى آيرى محللره دوشدكلرندن ير خيلى زمان تك باشلرينه آغلايوب صيزلا نديلر. فقط صوكنده توبه لرى قبول اولنمغـله ينه بولشديلر، امر بارى ايله برلشديلر و آرتق ذريت يتشديرمكه باشلا ديلر.

حضرت حوا دائما بر بطنده ايكى چوجق طوغورردى. يالكز حضرت شيث عليه السلام تك اوله رق طوغمشدر. بر بطن ده طوغان ايكى چوجغك دائما برى اركك برى قيز اولورمش. ارككلرك يالكزآيرى بطن ده طوغان قيزلرله ازدواج ايتملرى امر اولنمش ايدى. حالبو كه حضرت آدمك ’’قابل،، اسمنده كى وغـلى كنديسيله بر بطن ده طوغان همشيره سنى آلمق ايستدى. بو ايسه او وقتك شريعتنه موافق دكلدى.او قيز ’’هابل،،ه ويرلمك اقتضا ايدييوردى. ’’قابل،، ايسه بر درلو يوله ياتميوردى. حقلى ايله حقسز آييرد اولسون ايچون بونلرك حضور حقه برر قربان تقديم ايتملرى امر اولندى. قربانلرينى تقديم ايتديلر. يالكز ’’هابل،،ك قربانى قبول اولنوب ’’قابل،،ك كى رد اولندى. قابل بوندن حدته كله رك هابيلى اوردى اولدردى. فقط برادرينى اويله روحسز كورنجه نادم اولدى. جسده نه معامله يابيله جغـنى بيله مدى. شاشيردى قالدى. اوصره ده بر قارغه نك ديكر بر قارغه يى اوروب اولدير ديكنى وصكره ده طپراغى اشه رك كومديكنى كورن قابيل برادرى هابيلى طبقى اويله ياپدى. يعنى بر مزار قازه رق طپراغه كومدى. ايشته انسانلردن ايلك قاتل قابيل اولديغى كبى ايلك مقتول ده هابيل اولمشدر.

حضرت آدمك اولاد واحفادى بر قاچ بيكه بالغ اولنجه كندوسنه طرف باريدن اون صحف انزال بيوريله رق پيغمبرلك ويرلدى. بو صورتله بر خيلى زمان معمر اولدى. فقط شو فانىدنياده نه قدر ياشانيرسه ياشانسون عاقبت بر رحلت محقق دكلمى يا؟ ايشته او پدر معززمز حضرت آدم دخى عصرلرله اوزايان حيات فانيه سنه و با لخاصه اولاد واحفادينه وداع ايدرك رب رحيمنه ملاقى اولدى. بر سنه صكره ده حضرت حوا زوج محترمنه قاوشدى. (۳)

حضرت آدمك ارتحالندن صكره پيغمبرلك اك سوكيلى اوغلى اولان حضرت شيث عليه السلامه ويرلدى و كندوسنه اللى صحف انزال بيورلدى اك اول عاصيلرله يعنى قابيل اولاديله قليج محاربه سى يا پان و كعبه يى ابتدا طاشدن بنا ايدن حضرت شيث عليه السلامدر.

_________

(۱) حضرت حوا حضرت آدمك صول اكه كمكندن يارادلمشدر. على روا ية يارادلديغى زمان حضرت آدم طاتلى بر اويقوده ايمش. آييلنجه حضرت حوايى ياننده بولمش.

(۲) حضرت آدمك هنده، حضرت حوانكده جده يه دوشمش اولدقلرى روايت اولنمقده در.

(۳) حضرت آدمله حضرت حوانك محل دفنلرى حقنده اختلاف واردر. حضرت آدمك بعضيلر هندستانده سرنديب طاغنده اولديغنه، بعضيلريده مكهء مكرمه ده جبل ابى قبيس دنيلان طاغده بولنديغنه ذاهبدر. حضرت حوانك دخى جبل ابى قبيس ده اولديغنه ذاهب اولا نلر وار ايسه ده جده ده اولديغنى ادعا ايدنلر زياده در. مع مافيه جده ده ايكى اوچ يوزآرشون قدر طولنده بر قبر موجود اولوب حضرت حوا قبريدر ديه زيارت اولنمقده در. حضرت حوانك جده ده اولديغنى ادعا ايدنلرك بر سندىده "جده" لفظيدر. چونكه جده جيمك فتحيله اوقونورسه بيوك والده معناسنى مفيددر. حتى جده يه جده دينمسنك سببى ده حضرت حوانك اوراده مدفون بولنمسى ايمش. حالبوكه بو بر وهمدر. چنكه جيمك ضميله جده لفظى لغة ً نهر كنارى معناسنه اولديغى كبى جده ده كزى ساحلنك دخى اسم خاصيدر. جده يه جده دينمسىده بو مناسبتله اولسه كركدر.

حضرت ادريس

عـليه السلام

ادريس عـليه السلام حضرت شيث نسلندندر. توراتده اسمى "اخنوخ" ديه مذكوردر. اولاد آدم آره سنده بر طاقم فنا فنا عادتلر، حاللر پيدا اولمسى اوزرينه اصلاحلرى ايچون كندوسنه پيغمبرلك ويريله رك اوتز صحف انزال بيورلدى. يازى يازمق، ديكيش ديكمك صنعتلرينى ايجاد ايدن اودر. آندن اول اوغللرى هب حيوان دريسى كيرلردى. اك اول اهالى يى صنوف مخصوصه يه تقسيم ايدن، علوم ريا ضيه دن بعضيلرينك وخصوصيله طب، حساب، هيئت كبى فنلرك اساسنى قوران حضرت ادريس عليه السلامدر. كندوسنه كوكلرك اسرارى منكشف ايدى. ديرى ايكن من طرف الله مقام عالى يه رفع اولنمشدر.

حضرت نوح

عـليه السلام

حضرت ادريس يريوزندن چكيلوب مقام عالى رفع اولندقدن صكره آدم اوغللرى طوغرى يولدن صاپديلر، بر طاقم بتلر ياپديلر، بتلره طاپديلر. جناب بارىآنلره طوغرى يولى إرائه ايچون حضرت نوخى كوندردى. حضرت نوح برخيلى زمان قومنى توحيده دعوت ايتمش ايسه ده قولاق آصان اولمدى. كندى اوچ اوغليله حرملرى وديكر برقاچ نفردن عبارت اولان مؤمنلر مستثنى اولديغى حالده حضرتك دعوتنه إجابت ايدن بولنمدى. حتى اوغللرندن "يام" اسمنده كى دربدر دخى ايمان ايتمدى.

حضرت نوح قومنه نصيحت ايتدكجه حضرتَ استهزا ايدرلردى، اذا وتحقيرايدرلردى . نهايت بر ادبسزك تحمل اولنه ميه جق تحقيرى اوزرينه كندوسنه يأس كلدى. آنلره بددعا ايتدى. طرف باريدن دعاسى قبول اولنمغله همان بر كمى ياپمسى لزومى كندوسنه وحى ايله بيلديرلدى.

حضرت نوح كمى يى ياپمغه باشلادى. فقط جوارده كمى يوزديريله جك بيوك بر صو اولمديغندن حريفلر استهزالرينى آرتيرديلر آره صره ياننه ياناشوب "واى پيغمبرلكى مرانقوزلغه مى تبديل ايتدك" ديه رك كندوسيله اكله نرلردى. حضرت ده "بزده بر كون كليركه سزكله بويله اكله نيرز" جوابنى ويرردى.

كمى اكمال اولندقدن صكره طوفان علامتلرى بليردى. حضرت مؤمنلرله برابر كمىيه بندى. وهر جنس حيواندن ارككلى، ديشيلى برر چفت كمىيه آلدى. آرتق صولرده هر طرفدن يورودى. يام اسمنده كى اوغلى بر طرفدن حضرت نوحك كوزينه ايلشمكله حضرت آكا سـسلنه رك "كل ياوروجغم كل! سنده بزمله كمى بين او كافرلرله هلاك اولمه" ديمش ايسه ده هيچ تأثيرى اولمدى. بلعكس اوتانميه رق "حاجت يوق! بن طاغلره چيقارقورتولورم" جوابنى ويردى. حضرت نوح اولادى اولمق حسبيله يارامازك حالنه آجيدى، نصيحته باشلادى. "ياوروجغم بوكون اللهك مرحمتندن باشقه صيغينه جق ير يوقدر" ديه رك نصيحت ويرمكه قالقيشير قالقشماز آره يه بيوجك بر طالغه كيردى يام بوغولدى. حضرت نوح متأثر اولدى. جناب حقه توجه ايدرك "يا رب! بو بنم اوغلم ايدى. اهل بيتمدن ايدى" حالبوكه سنك ده وعدك حق ايدى. يعنى بو بويله اوله جقمى ايدى" كبى بر تضرعده بولنمش ايسه ده طرف باريدن "خََيـِرْ! او سنك اهل بيتكدن دكلدى او اخلاقسز، ياراماز بر مخلوق ايدى" جوابنى آلدى. ودرحال استغفار ايتدى.

طوفان هر طرفى قاپلادى. صولراك يوكسك طاغلرى بيله آشدى. ير يوزنده كى مخلوقات حياتيه هب تلف اولدى.

كمى آلتى آى قدر دوام ايدن طوفانك طاغلر كبى امواجى آره سنده كزدكدن صكره نهايت جودى طاغى اوزرنده اوتردى. كمى خلقى نائل سلامت اولدى. عالم يكيدن باشقه بر دوره يه كيردى. انسانلر هپ هلاك اولمغله دنيا يكيدن شنلنمكه باشلادى حضرت نوحك حام، سام، يافث نام اوغللرى ذريت يتشديرمكه قويولدى. چوق سورمدى ينه هر ير انسانله طولدى. هپسى ده حضرت نوحك بو اوچ اوغلندن اوره دى. بونك ايچون حضرت نوحه ايكنجى آدم دنيلدى. بوكون دنياده موجود اولان انسانلردن زنجيلرله سياهيلر " حام "ك، عرب، سريان، عبرانى وسائرامم ساميه " سام "ك تركلر دخى " يافث "ك نسلندندر.

عليه السلام

طوفاندن صوكره يمن ده حضرموت طرفلرنده احقاف دنيلان يرده عاد [بو قومك احوال تاريخيه سى بوكون ظلام مجهوليت ايچينده در. تاريخلر بوقومه دائر معلومات كامله ويره ميور.] قومى ظهور ايتدى. بو قوم عرب عاربه دن ايدى. چالشقان وترقىيه مستعد بر قوم ايدى. چالشقانلقلرى سايه سنده او حوالى يى معمور ايتديلر. غايت متين و ظريف بنالر ياپديلر. حتى دنياده جنت ياپمغه قالقشان وامثالى كورولمه مش كوشكلر، باغچه لرله پاىتختنى تزيين ايدن مشهور "شداد" بوقومدندر. فقط نه چاره كه بونلرده طوغرى يولدن آيرلديلر. بتلره طاپار اولديلر.

ايشته بو قومى توحيده دعوت ايچون جناب حق " هود" عليه السلامى كوندردى. فقط حيفاكه نصيحتلرينى ديكله ين اولمدى. ايمان ايدنلرپك آز اولدى چوغى كفر وضلالتده قالدى.

جناب حق بونلرى نهايت روزكارله هلاك ايلدى. حضرت هود ايسه اصحابيله برابر حجاز طرفلرينه كچه رك سلامتياب اولدى.

حضرت صالح

عليه السلام

حضرت صالح عليه السلام عاد قومندن صوكره حجاز ايله شام آره سنده ظهور ايدن "ثمود" قومنه مبعوثدر. طريق حقدن صاپمش اولان بو قومه يكرمى سنه قدر حضرت صالح نصيحت ايتمشسه ده تأثير ايتديره مه مشدر. حتى وقوعبولان طلبلرى اوزرينه معجزه اولارق حضرت صالح بونلره قيادن ياوروسيله برابر بر دوه چيقارمش ايكن ينه عناد ايتديلر. ايمان ايتمديلر. حتى دوه يى باجاغندن بر طمرينى كسوب اولدرديلر. دوه يى اولدورملرى اوزرينه غضب الهى ظهوره كلدى. اوچ كون صوكره دهشتلى بر صيحهء آسمانى بونلرى هب هلاك ايله دى يالكز حضرت صالح كندوسنه ايمان ايدن بر قاچ كيمسه ايله مكهء مكرمه يه چكيلوب اوراده عبادتكزين اولدى.

دوامى ايچون طقلا

Anasayfaya Dön

İncelikler Peygamberi

"EY MÜSLÜMANLAR! İslam'ın meselelerini saklamayın, tahrif edip de değiştirmeyin. İslam'ın düşmanlarına yaranmak, yağ çekmek veya talep ve arzularını yerine getirmek, makam ve mevki elde etmeyi, mevcut makam ve maaşı elden kaçırmamayı göz önüne getirerek, taviz verir müsamaha gösterirseniz davayı kaybedersiniz!"

"Allah davasını savunanlar hep hakkı tebliğ etmişler, tağutu savunanlar ise hakkı tebliğ edenlere hep işkence edegelmişlerdir!"

Ey bu vatan gençleri! Frenkleri taklide çalışmayınız. Âyâ, Avrupa’nın size ettikleri hadsiz zulüm ve adâvetten sonra, hangi akılla onların sefahet ve bâtıl efkârlarına ittibâ edip emniyet ediyorsunuz?
Yok, yok! Sefihâne taklit edenler, ittibâ değil, belki şuursuz olarak onların safına iltihak edip kendi kendinizi ve kardeşlerinizi i’dam ediyorsunuz.
Âgâh olunuz ki, siz ahlâksızcasına ittibâ ettikçe, hamiyet dâvâsında yalancılık ediyorsunuz. Çünkü şu surette ittibâınız, milliyetinize karşı bir istihfaftır ve millete bir istihzâdır.» (Saidi Nursî, Lem’alar sh: 120)